ធ្វើម៉េចផ្សាយពាណិជ្ជកម្មកាហ្វេ លើ Facebook មានប្រសិទ្ធភាព?

របាយការណ៍ស្រាវជ្រាវអំពីអ្នកប្រើប្រាស់ នៃអាជីវកម្មកាហ្វេ ក្នុងប្រទេសកម្ពុជា ក្នុងខែតុលា ឆ្នាំ២០១៨ លើទិន្នន័យ ខែកញ្ញា ឆ្នាំ២០១៨។ Audience Insight on Coffee Business in Cambodia for Facebook Ads: Research insight report on 08/October/2018 based on Facebook data in September 2018. នេះជាអត្ថបទ សម្រាប់បងប្អូនដែលជាម្ចាស់អាជីវកម្មតូច និងធម្យម ដែលចង់ផ្សព្វផ្សាយកាហ្វេរបស់ខ្លួន លើហ្វេសបុក ដោយទិញ Ads។

I. លក្ខណៈប្រជាសាស្ត្រ Demographic

1/ ប្រជាជនប្រើ Facebook ដែលចាប់អារម្មណ៍លើវិស័យភេសជ្ជះកាហ្វេ៖

ក្នុងចំនោមអ្នកប្រើ Facebook ប្រហែល 7លាននាក់នៅកម្ពុជា, អ្នកសកម្ម លើវិស័យ ភេសជ្ជះកាហ្វេ មានចន្លោះពី 2-2.5លាននាក់ប្រចាំខែ។ ក្នុងនេះ 45% លើ 40% ចំនួនស្ត្រីដែលប្រើ Facebook ចាប់អារម្មណ៍លើភេសជ្ជះកាហ្វេ, ក្នុងនោះ 49% អាយុចន្លោះ 18-24ឆ្នាំ, 42% អាយុចន្លោះពី 25-34ឆ្នាំ; ចំនែក 55% លើ 60% ចំនួនបុរសដែលប្រើ Facebook ចាប់អារម្មណ៍លើភេសជ្ជះកាហ្វេ, ក្នុងនោះ 41% អាយុចន្លោះពី 18-24ឆ្នាំ, ហើយ 45% អាយុចន្លោះពី 25-34ឆ្នាំ។

2/ លក្ខណៈរបស់ប្រជាជនខាងលើ៖

ក្នុងចំនោមប្រជាជនសកម្ម ចន្លោះពី 2-2.5លាននាក់ លើវិស័យកាហ្វេនេះ គឺ 52% នៅលីវ, 27% រៀបការ, 18% មានទំនាក់ទំនង, និង ភ្ជាប់ពាក្យ 3%។

3/ កម្រិតវប្បធម៌អ្នកសកម្មលើវិស័យកាហ្វេ៖

ក្នុងចំនោមប្រជាជនសកម្ម ចន្លោះពី 2-2.5លាននាក់ លើវិស័យកាហ្វេនេះ គឺ 72% រៀនមហាវិទ្យាល័យ, 24% រៀននៅវិទ្យាល័យ, 4% រៀនថ្នាក់ក្រោមឧត្តម (អនុបណ្ឌិត និងបណ្ឌិត)។

4/ មុខរបរអ្នកសកម្មលើវិស័យកាហ្វេនៅកម្ពុជា៖

ក្នុងចំនោមប្រជាជនសកម្ម ចន្លោះពី 2-2.5លាននាក់ លើវិស័យកាហ្វេនេះ គឺ 28% ជាអ្នកលក់, 22% ជាអ្នកសេវារដ្ឋបាល, 12% ជាអ្នកធ្វើអាជីវកម្ម និងហិរញ្ញវត្ថុ, 11% ផ្នែកសេវាសុខាភិបាល និងសេវាព្យបាលថ្នាំពេទ្យ, 5% ជាអ្នកសេវាបច្ចេកទេស និងព័ត៌មានវិទ្យា, 5% ផ្នែកគណិតវិទ្យា និងគិតលេខ, 4% ជាអ្នកបម្រើការក្នុងវិស័យភោជនីយដ្ឋាន និងម្ហូបអាហារ, 4% ជាអ្នកធ្វើការលើសេវាជួលជុល និងតម្លើង, 3% អ្នកធ្វើការងារក្នុងវិទ្យាសាស្ត្រសង្គម រូបវិទ្យា និងជីវិត, 0.8% ជាអ្នកបម្រើសេវាផ្នែកច្បាប់។

II. ការចូលចិត្តទំព័រ Pages Likes

ក្នុងចំនោមប្រភេទថ្នាក់ (Catagory) ភេសជ្ជះ និងម្ហូបអាហារ (Food and Drink Beverage), ទំព័រ ដែលទទួលបានចំណាត់ថ្នាក់ខ្ពស់ទាំង 10 ក្នុងខែកញ្ញា ឆ្នាំ2018 គឺមានតែកាហ្វេ Mou Coffee និង Brown Coffee and Bakery ប៉ុណ្ណោះ ដែលឈជើងក្នុងលេខរៀងទី 5 ក្នុង តារាង 10។

III. ទីតាំង Location

សន្ទស្សន៍កំណើនអ្នកចូលចិត្ត និងចាប់អារម្មណ៍លើវិស័យកាហ្វេ ទាំង 10 ក្នុងខែកញ្ញា ឆ្នាំ2018 គឺ ក្រុងកំពត និងក្រុងកំពង់ចាម កើន 100%, ក្រុងកណ្តាល ខេត្តកណ្តាល 100%, ក្រុងតាខ្មៅ រាជធានីភ្នំពេញ 100%, ក្រុងព្រៃវែង 50%, ក្រុងស៊ីសុភណ្ឌ ខេត្តបាត់ដំបង 50%, ក្រុងស្វាយរៀង ខេត្តស្វាយរៀង 50%, ក្រុងបានលុង រតនៈគិរី 33%, ក្រុងពោធិ៍សាត់ ខេត្តពោធិ៍សាត់ 33%។

IV. សកម្មភាព Activities

ក្នុងរយៈពេល 30ថ្ងៃកន្លងទៅ ប្រជាជនម្នាក់ ដែលប្រើ Facebook ហើយដែលចូលចិត្តវិស័យកាហ្វេ គឺបានចុចផ្សាយពាណិជ្ជកម្មកាហ្វេ ads clicked ចំនួន 36 ដង, ចុចចូលចិត្តការបង្ហោះ post click បាន 28 ដង, បញ្ចេញមតិ comment ចំនួន 15 ដង, ចែករំលែកការបង្ហោះ share post ចំនួន 8 ដង។ លើសពីនេះ ក្នុងចំនោមអ្នកចាប់អារម្មណ៍ សកម្ម លើវិស័យកាហ្វេខាងលើ គឺប្រើឧបករណ៍ ប្រើប្រព័ន្ធ Android ចំនួន 55%, iPhone/iPod ចំនួន 43% , និង កុំព្យូទ័រ 1%។

V.សន្និដ្ឋាន Conclusion

សម្រាប់អាជីវកម្មកាហ្វេ គ្រប់ទំហំ ប៉ុន្តែនេះជាយុទ្ធសាស្ត្រប្រូម៉ូសិនលក់កាហ្វេសម្រាប់អាជីវកម្មតូច និងមធ្យម តាមរយៈ Facebook៖

1/ ដើម្បីយករូបភាព (image) និងប្រជាប្រិយភាព (popularity) លើទំព័រ Page អាចប្រើ budget 2$ ក្នុងមួយថ្ងៃ លើទីតាំងក្រុងភ្នំពេញទាំងមូល ឬក្នុងខេត្តទាំងមូល ក្នុងរយៈពេល 10ថ្ងៃ។ ការវិភាគ promo ក្នុងតម្លៃនេះ គឺ ធ្វើអោយមនុស្សស្គាល់ (total reach) បាន 6,720 នាក់, ការចុច Likes បាន 800នាក់ ប្រហែល 100នាក់ក្នុងមួយថ្ងៃ, ចំណាយ (cost per page like) អស់ $0.02 ឬស្មើនឹង 80រៀលខ្មែរ ឬជិត 100រៀល។

2/ ដើម្បីអោយអតិថិជនជុំវិញហាងបានស្គាល់ និងកសាងអតិថិជនស្នូលជុំវិញហាង ក្នុងរង្វង់ 1, 3, 5 គីឡូម៉ែត្រពីហាង អោយស្គាល់អាជីវកម្ម Local Business អាចប្រើ Budget 1$ ក្នុងមួយថ្ងៃ ក្នុងរយៈពេល 10ថ្ងៃ។

3/ អាយុនៃប្រជាជនគោលដៅ target population users សម្រាប់ promo គឺ ចន្លោះពី 18-34ឆ្នាំ ដើម្បី outreach បានច្រើន ចាយលុយ promo មានប្រសិទ្ធភាព។

4/ សារខ្លឹមសារ ដែលសសេរបង្ហោះលើទំព័រ ក/ មិនលើសពីបីបន្ទាត់, ខ/ ថ្លឹងសម្តីរវាង បុរស និងស្ត្រី, គ/ ពាក្យសាមញ្ញងាយយល់ កំប្លែង ភាសាស្ទាវខ្លះ សម្រាប់យុវវ័យ, ឃ/ ការប្រូម៉ូ ផ្តោតលើមនុស្សនៅលីវ និងរៀបការ, លើសពីនេះ ង/ ផ្តោតលើមនុស្សដែលមានមុខរបរ អ្នកលក់ អ្នកសេវា អ្នកហិរញ្ញវត្ថុ ជាដើម។ តើមានប្រម៉ូសិនអី ពិសេសសម្រាប់ពួកគេ។

5/ ទាំងអក្សរ ទាំងសារ រូបភាព សំឡេង ឬវីដេអូ ត្រូវធ្វើសម្រាប់ទូរស័ព្ទទំនើប (smart phone) ដែលងាយស្រួលសម្រាប់អ្នកប្រើ iPhone និងប្រព័ន្ធ Android ដូចជា Samsung ជាដើម។

6/ ការសសេរ promo ជាលក្ខណៈ copy writing នេះ ត្រូវផ្តោតលើគោលការណ៍លក់ទាំងបួន៖

-មនុស្សមិនទិញរបស់ដោយហេតុផលទេ តែទិញរបស់ដោយអារម្មណ៍។ People don’t buy thing with logic but buy thing with emotion។

-មនុស្សទិញរបស់ ដើម្បីដោះស្រាយបញ្ហា មិនមែនទិញរបស់ ដើម្បីបង្កើតបញ្ហាទេ។ People buy thing to get out of problem not buy problem។

-មនុស្សមិនទិញរបស់និងសេវាទេ តែមនុស្សទិញរឿងរ៉ាវ។ People don’t buy good and service but buy story។

Fact Tell, Story Sell.

ចំណាំ៖

-មែនទែនទៅ គ្មានការប្រូម៉ូណាមួយ ដែលល្អឥតខ្ចោះ ដូចនឹងការប្រម៉ូ ដែលអ្នលលក់ បានជួបអ្នកទិញ ដោយផ្ទាល់ឡើយ។

-ចំពោះ វត្ថុ របស់របរ និងគ្រឿងញាំ គ្មានប្រូម៉ូអីល្អ ជាងការអោយអតិថិជន បាន ភ្លក្សរសជាតិ ពិតប្រាកដឡើយ។

-មាន សេវ៉ាប្រឹក្សាអាជីវកម្ម លើការ សសេរប្រវត្តិ story ហាងកាហ្វេ, គ្រាប់កាហ្វេ, copy writing ផ្សាយពាណិជ្ជកម្ម, ការគ្រប់គ្រង Facebook Ads, ការស្រាវជ្រាវអភិវឌ្ឍអាជីវកម្ម។

អត្ថបទដោយ៖ ឱរាកាហ្វេ